Report TV - Johannes Hahn më 30 mars në Tiranë, për reformën në Drejtësi

Komisioneri për zgjerim Johannes Han vjen në Tiranë në 30 mars për t?i dhënë një shtysë Reformës në Drejtësi.

Drejtuesi i larët evropian do të bashkëdrejtojë me kryeministrin Rama tryezën e dialogut të nivelit të lartë Shqipëri-BE.

Fokusi do të jetë pikërisht reforma në radhët e drejtësisë, për të cilën politika nuk po gjen dot dakordësinë pavarësisht rekomandimeve të Komisionit të Venecias.

Synimi i palës shqiptare është që të marrë në fund të këtij takimi rekomandimin e Han për hapjen e negociatave të anëtarësimit në vjeshtë. më pas gjithçka do të varet nga vota e këshillit të ministrave të jashtëm të vendeve të Be-së në dhjetor, por rekomandimi i komisionerit mbetet tejet i rëndësishëm.

Formati i takimit do të jetë ai i vitit të shkuar ku Majlinda bregu do të jetë e vetmja nga opozita që do të flasë.

Përveç drejtësisë palët do të relatojnë dhe për reduktimin drastik të numrit të azilkërkuesve shqiptarë në vendet e unionit , luftën ndaj krimit të organizuar dhe statistika për konfiskimin dhe asgjësimin e drogës.

Ministrja e integrimit Klajda Gjosha do të flasë për 5 prioritetet me statistika dhe do të parashtrojë para zyrtarëve të Brukselit planin e masave për plotësimin e tyre .

Në fokus të dialogut të nivelit të lartë do të jenë dhe të gjitha reformat e vitit ët fundit, përfshirë dhe atë zgjedhore, puna për të cilën sapo ka nisur.

Në një tryezë të këtij formatin në qershor të 2014-s komisioneri i vjetër i zgjerimit Shtefan Fyle njoftoi nga Tirana se do t?i rekomandonte komsionit dhënien e statusit kandidat për Shqipërinë.