ఇండియా మొత్తం ఫిట్ నెస్ ఛాలెంజ్ వైరల్ అయిపోయింది. కేంద్ర మంత్రి రాజ్యవర్ధన్ సింగ్ రాథోర్ ప్రారంభించిన ఈ ఫిట్ నెస్ ఛాలెంజ్ ని సెలెబ్రిటీలంతా చేసి చూపిస్తున్నారు. రోజువారి జీవితంలో ఫిట్ గా, ఆరోగ్యంగా ఉండడం ఎంత ముఖ్యమో ప్రజలకు తెలియజేయడమే దీని ఉద్దేశం.టాలీవుడ్ సెలెబ్రిటీలు కూడా ఫిట్ నెస్ ఛాలెంజ్ ని స్వీకరించి మరికొందరికి సవాల్ విసురుతున్నారు. ఎన్టీఆర్, నాగార్జున, అఖిల్ వంటి సెలెబ్రిటీలంతా తమ ఫిట్ నెస్ సెక్రేట్స్ ని సోషల్ మీడియాలో వీడియో రూపంలో పోస్ట్ చేస్తున్న సంగతి తెలిసిందే. తాజాగా రాంచరణ్ కూడా తన ఫిట్ నెస్ నిరూపించుకుని మరి కొందరిని సవాల్ చేశాడు.
