പത്തനംതിട്ടയിൽ പരാജയപ്പെടുന്ന പ്രശ്‌നമേ ഇല്ല, സർക്കാർ സംവിധാനങ്ങൾ തിരഞ്ഞെടുപ്പുമായി ബന്ധപ്പെട്ട് ദുരുപയോഗം ചെയ്തു. തപാൽവോട്ടും സർവീസ് വോട്ടും പിടിച്ചുവാങ്ങിയും കലക്ടറേറ്റിൽ തിരഞ്ഞെടുപ്പ് അട്ടിമറി നടക്കുന്നതായി സുരേന്ദ്രൻ ആരോപിച്ചു. മണ്ഡലത്തിൽ 3000 തപാൽ വോട്ടും 4000 സർവീസ് വോട്ടുമാണ് ഉള്ളത് . ജീവനക്കാരുടെ വീട്ടിലെ മേൽവിലാസത്തിലേക്കാണു തപാൽ വോട്ട് സാധാരണ അയയ്ക്കേണ്ടത്. എന്നാൽ അതിനു പകരം ഓഫിസിലെ വിലാസത്തിലാണ് അയച്ചത്. സുരേന്ദ്രൻ പറഞ്ഞു.മാത്രമല്ല തപാൽവോട്ട് ഏൽപിക്കാത്തവരെ സ്ഥലം മാറ്റുമെന്ന് എൻജിഒ യൂണിയൻകാർ ഭീഷണിപ്പെടുത്തുന്നു. ആരോഗ്യ വകുപ്പിലെ 450 ജീവനക്കാരുടെ തപാൽവോട്ടു ഭീഷണിപ്പെത്തിയാണ് ഇവർ പിടിച്ചുവാങ്ങിയത്. ഇതിനെതിരെ പരാതി നൽകിയെങ്കിലും പരിഗണിച്ചെല്ലെന്നും തിരഞ്ഞെടുപ്പ് കമ്മിഷൻ അടിയന്തമായി ഇടപെടണമെന്നും സുരേന്ദ്രൻ പറഞ്ഞു.
