നമ്മള്‍ കണ്ട മോദിയല്ല യഥാര്‍ത്ഥ മോദി. മോദി ഒരു അവതാരമാണ്, ഒരു പ്രസ്ഥാനമാണ് പിന്നെ എന്തൊക്കെയോ ആണോ. അയ്യോ രോമാഞ്ചം വരുന്നു. നിങ്ങള് ചിരിച്ചോ??? അതെന്താ കൃഷ്ണ കുമാറിന് അങ്ങനെ പറഞ്ഞൂടെ, കൊങ്ങി കമ്മി സുടാപ്പികള് കൃഷ്ണകുമാറിനെ വല്ലതും പറഞ്ഞെന്ന് വച്ചോ...ആയിരമല്ല പതിനായിരമല്ല ലക്ഷം ലക്ഷം പിന്നാലെ. നിങ്ങള് പേടിക്കണ്ട കൃഷ്ണകുമാറെ 'കണ്ണിലെ കൃഷ്ണമണിപോലെ കാത്തുസൂക്ഷിക്കാന്‍ കരുത്തുള്ള ഒരു മഹാ പ്രസ്ഥാനവും എപ്പോഴും കൂടെയുണ്ട് '. ഞാന്‍ പറഞ്ഞതല്ലാട്ടോ. ലക്ഷോപലക്ഷം ജനങ്ങളുടെ പിന്തുണയുള്ള സുരേന്ദ്രന്‍ ജിയുടെ ഉറപ്പാണ്. അപ്പോ ഈ ലക്ഷങ്ങള്‍ കൂടെ ഉണ്ടായിരുന്നെങ്കില്‍ തിരഞ്ഞെടുപ്പിന് ജയിക്കത്തില്ലേര്‍ന്നോ. ഓ അതൊക്കെ എന്തിനാ ഇപ്പോള്‍ പറയണേ. അപ്പോള്‍ നമ്മള്‍ പറഞ്ഞ് വന്നത് എന്താന്ന് വച്ചാല്‍ കൃഷ്ണകുമാര്‍,മോദി, സുരേന്ദ്രന്‍, പ്രസ്ഥാനം, കഥ പുറകെ വരുന്നുണ്ട്
