आपल्याकडे तहान लागली की विहिर खोदणे अशी एक म्हण आहे. सध्या तसंच चित्र पाहायला मिळतंय. आतापर्यंत लसीकरणाकडे पाठ फिरवणारे नागरिक अचानक चांगलेच सतर्क झालेत. नव्या व्हेरिएंटचा धोका दिसताच ठिकठिकाणी लसीकरणासाठी गर्दी वाढत आहे. डोंबिवलीतही असंच काहीसं चित्र आहे. डोंबिवलीत 25 नोव्हेंबर ते 2 डिसेंबर दरम्यान नागरिकांचा लस घेण्यासाठी कल वाढला आहे. या सात दिवसात तब्बल 77 हजार 566 नागरिकांनी कोरोनाची लस घेतली आहे.
